Kryenegociatori i Kosovës në dialogun me Serbinë, Besnik Bislimi, ka reguar pas deklaratës së zëdhënsit të BE-së, Peter Stano, për të votuar serbët e Kosovës në zgjedhjet serbe.
Bislimi, me anë të një shkrimi në platformën X, ka theksuar se mbajtja e zgjedhjeve të tilla në Kosovë nuk është në frymën e dialogut.
“Në vendin tonë nuk janë planifikuar zgjedhje për këtë vit. Nëse autoritetet e vendeve të tjera do të preferonin të organizonin zgjedhje në Kosovë për diasporën e tyre, ata duhet të kërkojnë zyrtarisht nga autoritetet tona një vendim dhe mbështetje pozitive”.
“Përpjekja për të organizuar zgjedhje të tilla pa një kërkesë paraprake apo vendim pozitiv, nuk është në frymën e dialogut dhe nuk kontribuon në ndërtimin e besimit. Përderisa nuk ka kërkesë të drejtpërdrejtë zyrtare, nuk mund të ketë vendim. Këtë supozohet se e dinte zoti Stano”, ka thënë Bislimi.
