Në arealin e stadiumit Hardturm, në Cyrih, ku është mbajtur më parë festivali më i madh i muzikës shqiptare në Evropë “Alba festival” është planifikuar një zonë banimi me kontejnerë, e dedikuar për refugjatët, transmeton albinfo.ch.
Në këtë gjendje, as organizatorët nuk e dinë nëse atje do të zhvillohet Festivali Alba. Ata nuk janë të sigurt nëse festivali fare do të organizohet këtë vit.
Të kujtojmë: organizimi i festivalit ishte ndaluar në vitin 2021 me pretekst të pandemisë ndërsa më vonë, autoritetet kanë pranuar se ky ishte një vendim jo i drejtë, diskrimnues ndaj komunitetit shqiptar.
Sidoqoftë, organizatorët e festivalit, përmes shpalljeve në gazeta tani po kërkojnë një zonë të re.
Normalisht, Festivali Alba zhvillohet në fund të qershorit dhe në fillim të korrikut në djerrinën e stadiumit Hardturm të Cyrihut.