Në masakrën e Gjakovës, ashtu si edhe në vendet e tjera të Kosovës, britmat e njerëzve nuk harrohen kurrë.
Këtë e tregon edhe vet dëshmitari i kësaj masakre, Sami Pareshumti.
Ai kujton masakrën e familjes Cana, ku vetëm një djalë i tyre arriti të shpëtonte.
Ai tregon ngjarjen në mënyrë kronologjike, dhe tmerrin që kishin përjetuar nga vrasja barbare e ushtrisë serbe ndaj civilëve shqiptar.
“Në lagjen tonë, kur na kanë rënë, në 12:10 të natës, janë dëgjuar vetëm krisma, me pa nuk është parë asgjë, krismat edhe piskamat e familjeve, familjes me 21 anëtarë më duket. Aty kemi dëgjuar piskamat, kur janë dëgjuar krismat, piskamat janë ndalë. Atëherë ka filluar t’i dalë flaka shtëpisë, i kanë marr nga marketi i kanë dërguar në shtëpi. Kur kanë hy në shtëpi është bërë masakra”, thotë Parashumti.
“Një djalë ka mbet gjallë., nuk e kam parë, por ka mbetur gjallë, e kam parë në Shqipëri, Dren Cana”.
“Çka më ka treguar ai mua, ai është munduar ta shpëtoj motrën e tij, atë natë kishte ajo ditëlindjen. U mundua ta largojë nga dritarja e banjos, nuk ka mundur pasi nuk kishte forcë nga dora e plagosur, kur ka filluar zjarri ai është larguar nga dritarja e ka dalë ë oborr. Motra e tij. Nënë dhe të gjithë të vdekurit i ka zënë zjarri”.
Në këtë masakër u vranë mbi 70 civilë të këtij fshati.
