Ylber Kusari, vëllai i shefes së Grupit Parlamentar të Vetëvendosjes, Mimoza Kusari -Lila i ka dhënë fund beqarisë. Ai është martuar me partnerin e tij Jonathan Ausman në një ceremoni të vogël familjare.
Por, ajo që bie në sy nga fotografitë e publikuara është mungesa e deputetes kosovare në këtë ceremoni.
Demokracia.com ka kontaktuar me deputeten Kusari-Lila por ajo nuk ka dashur të komentojë për mungesën e saj në ceremoninë martesore.
“Nuk e di për çfarë e keni fjalën”, ka thënë ajo kur është pyetur se pse nuk ka marrë pjesë në dasmën e të vëllait.
Pas kësaj përgjigje, Kusari-Lila është pyetur se a është Ylberi vëllai i saj.
“Mos bëni këso pyetje, ju lutem”, është shprehur ajo.
Demokracia.com më herët ka publikuar fotografi nga ceremonia e dasmës. Në njërën nga fotografitë shihet çifti në një moment romantik, duke shkëmbyer një puthje pasionante.
Kujtojmë që martesat mes të njëjtës gjini lejohen edhe me Kushtetutën e Kosovës. Madje Kosova njihet si vend tolerant. Çdo vit në vendin tonë mbahen parada nga komuniteti LGBTQI+ dhe asnjëherë nuk është shënuar ndonjë incident.
