Ejup Maqedonci, në një intervistë për Klan Kosova, paralajmëron se nesër do të ketë një numër të madh të pjestarëve të FSK-së që do të parakalojnë në sheshin e Kryeqytetit të Prishtinës.
Gjithashtu, Maqedonci thotë se për nder të 25 vjetorit të çlirimi të Kosovës nga Serbia, do të ekspozohen armë që deri më sot nuk janë parë.
“Do të parakalojnë në sheshin e Prishtinës njësitet e Forcës së Sigurisë së Kosovës, bashkë edhe me ato të Policisë së Kosovës. Për herë të parë do të kemi një numër jashtëzakonisht të madh të pjesëtarëve që do të jenë pjesë e kuadrateve të FSK’së që do të marshojnë në sheshin e Prishtinës dhe kjo bëhet për arsye se jemi duke festuar 25-vjetorin e çlirimit të vendit, vendosjes së paqes në Kosovë”, lajmëron Maqedonci.
