Kosova do të luajë një rol të rëndësishëm dhe më të zgjeruar në stërvitjen ushtarake Defender Europe 2025, duke marrë një pozicion kyç në operacionet ushtarake të Ballkanit Perëndimor.
Ministri i Mbrojtjes, Ejup Maqedonci, deklaroi se, për herë të parë, Kosova do të jetë jo vetëm vend pritës i kësaj stërvitje të madhe, por edhe do të presë një komandë të lartë ushtarake amerikane, që do të udhëheqë të gjitha trajnimet dhe operacionet për rajonin.
![](https://www.prishtinapress.net/wp-content/uploads/2021/05/300x250-2-1.gif?media=1681161718")
Në këtë edicion, Kosova do të ketë një rol shumë më të involvuar se në edicionet e kaluara, duke përfshirë pjesëmarrjen me njësi ushtarake dhe ofrimin e infrastrukturës për komandën ushtarake amerikane.
Maqedonci nënvizoi se kjo është hera e parë që një komandë e tillë do të vendoset në Kosovë, duke e bërë atë një qendër strategjike për operacionet e Defender Europe 2025.
“Për herë të parë, Kosova do të jetë jo vetëm vend pritës, siç ka qenë në Defender Europe 21 dhe 23, por edhe selia e një komande të lartë ushtarake, e cila do të udhëheqë operacionet nga bazat tona ushtarake”, theksoi Maqedonci.
