Ministri i Mbrojtjes, Ejup Maqedonci ka pritur sot në takim ambasadorin e ri të Republikës së Shqipërisë, Petrit Malaj.
Maqedonci njoftoi se në këtë takim u diskutua rreth bashkëpunimit të deritanishëm Kosovë-Shqipëri, veçanërisht bashkëpunimin në fushën ushtarake që në aspektin strategjik ka rol unik për stabilitetin, sigurinë dhe perspektivën euro-atlantike të dy vendeve dhe gjithë rajonit.
“U dakorduam që marrëdhëniet bilaterale të cilat veçse janë dyfishuar gjatë dy viteve të fundit, të intensifikohen edhe më tej ndërmjet dy shteteve simotra, ngase përtej aspektit diplomatik, politik e kemi obligim ndaj kombit”, tha tutje ai.
