Manchester United e ka fituar derbin e zjarrtë lokal ndaj Manchester Cityt.
“Djajtë e Kuq” triumfuan me përmbysje 2:1 në ‘Old Trafford” në kuadër të javës së 20-të në Premierligë.
Pjesa e parë u mbyll ashtu edhe siç nisi, pa gola të shënuar.
Manchester City e kishte administrimin e ndeshjes, megjithatë rastet më të mira i patën vendasit.
Marcus Rashford pati dy mundësi të arta shënimi, por që nuk arriti ta shfrytëzonte asnjërën.
E momenti i mirë për ekipin e Pep Guardiolas ishte minuta e 57-të, kur Jack Grealish u inkuadrua në vend të Phil Foden.
Tre minuta pas inkuadrimit, Jack Grealish realizoi bukur me kokë, pas asistimit të De Bruynes për ta kaluar Cityn në epërsi.
Megjithatë, ndeshja më pas mori rrjedhë tjetër.
Manchester United gjeti forcë dhe arriti që ta përmbyste krejtësisht rezultatin për ta fituar komplet ndeshjen.
Fillimisht Bruno Fernandes realizoi në minutën e 78-të, pas asistimit nga Casemiro për ta barazuar rezultatin.
Kurse, goli i fitores erdhi në minutën e 82-të, kur asistin e Garnachos e shfrytëzoi mjaft mirë Rashford për epilogun 2:1.
Me këtë fitore, Manchester United ngjitet në vendin e tretë në tabelë me 38 pikë, një më pak se Manchester City që gjendet i dyti.
Këtë gabim të Cityt ka mundësinë që ta shfrytëzojë Arsenali, për të ikur edhe më larg në krye të tabelës.