Manchester City ka kaluar në gjysmëfinale të FA Cup pas fitores ndaj Bournemouth si mysafir me rezultat 2-1.
Më të filluar ndeshja, Man City fitoi penallti, por nga pika e bardhë Erling Haaland nuk ia arriti të shënojë.
Në anën tjetër, në rastin e parë të mirë, Bournemothu shënoi, kur Justin Kluivert asistoi te Evanilson që shënoi për 1-0.
Qytetarët u ngjallën në pjesën e dytë, ku pas një aksioni të bukur, Erling Haaland nga afër gjeti rrjetën për 1-1.
Në minutën e 63-të, Man City mori epërsinë, me Omar Marmoush që shënoi për 2-1.
Me këtë fitore, Man City kalon në gjysmëfinale, ku do të takohet me Nottinghamin.