Manchester United ka marrë lajme të këqija nga infermieria pasi tre lojtarë janë lënduar para ndeshjes me Coventry Cityn në kuadër të gjysmëfinales së FA Cup.
Nesër (e diel), të besuarit e Erik ten Hag do të takohen me Coventryn në ‘Wembley’, për të siguruar një vend në finalen e FA Cup aty ku tashmë është kualifikuar Manchester City.
United u kualifikua në mesin e katër ekipeve më të mira në këtë garë, pasi kompletuan një rikthim dramatik ndaj rivalit Liverpoolit në ‘Old Trafford’ muajin e kaluar.
Sidoqoftë, përkundër faktit se janë favorit i madh në letër, United nuk do të jetë në gjendje të llogarisë në shërbimet e tre lojtarëve për këtë ndeshje.
“Mason Mount, Sofyan Amrabat dhe Willy Kambwala do të humbasin ndeshjen ndaj Coventryt për shkak të lëndimeve. Kanë qenë më shumë se 60 raste të sëmundjeve ose lëndimeve për Man United këtë sezon”, ka shkruar gazetari Fabrizio Romano.
Pas lëndimit të Kambëalas, është pretenduar se Harry Maguire është mbrojtësi i vetëm në dispozicion për Ten Hag në këtë ndeshje.
Si rezultat, Romano ka thënë se tekniku holandez mund të detyrohet të luajë me Casemiron në qendër të mbrojtjes.
“Harry Maguire është i vetmi mbrojtës në dispozcion për Manchester United vs Coventry. Varane, Lisandro, Evans, Lindelof dhe Kambëala që të gjithë janë të lënduar. Siç kam kuptuar, Ten Hag e ka testuar Casemiron si mbrojtës si një zgjidhje emergjente”, është shprehur Romano.
