Kur djali ynë i madh nuk ishte mirë me shëndet, një psikiatër na dha një dhuratë të madhe. Ai na tregoi në lidhje me një eksperiment që u zhvillua në Angli. Ishte një ritual i thjeshtë që nënat e fëmijëve të sëmurë bënin çdo natë.
Kur fëmija flinte prisnin që ata të hynin në gjumin e thellë dhe pastaj pëshpërisnin këto fjalë të thjeshta për fëmijën e tyre:
“Të dua. Unë jam krenar për ty. Sa e kënaqur jam që je fëmija im. Ju jeni fëmija më i mirë për mua.”
Rezultatet ishin interesante.
Fëmijët me të njëjtën diagnozë, mirëpo që nuk dëgjuan pëshpëritjet e nënave të tyre, kishin një kohë rikuperuese më të gjatë sesa fëmijët që dëgjuan zërin e ëmbël të nënës. Kjo është magjia e fjalëve të një nëne.
Çfarë realisht ofron kjo pëshpëritje?
- Fillimisht ndjenjën e intimitetit, kohën e veçantë me fëmijën tuaj, që mes punëve të përditshme mund edhe të harroni.
- Komunikimi ndonjëherë edhe mund të pengohet. Mirëpo natën, ju keni gjithë vëmendjen e tyre dhe mund të komunikoni gjëra të rëndësishme.
- Dhe me e rëndësishmja, fëmijët ndjejnë dashurinë tuaj. Është shumë e rëndësishme që fëmijët të dëgjojnë sesa shumë i doni dhe njëkohësisht të ndihen të veçantë, vetëm pse janë fëmijët tuaj.
- I përqafoni ata, i puthni, u përkëdhelni flokët… Këto janë momentet që do të kujtojnë në jetë./Prishtinapress/
