Nënkryetari i Skenderajt, Sami Lushtaku, do të dorëzojë padi për “shpifje dhe dëmtim reputacioni” ndaj Lëvizjes Vetëvendosje, ka njoftuar Partia Demokratike e Kosovës.
Hollësitë rreth kësaj padie nga Lushtaku do të shpalohen në një konferencë për media të njoftuar për në ora 14:00 në Zyrën e Avokates Besiana Ismaili.
Njoftimi i plotë:
Të nderuar përfaqësues të mediave,
Ju ftojmë të merrni pjesë në konferencën për publikun, ku do të bëhet njoftimi zyrtar lidhur me padinë e ngritur nga z. Sami Lushtaku ndaj Lëvizjes Vetëvendosje, për shpifje dhe dëmtim të reputacionit.
Konferenca do të mbahet në Zyrën e Avokates Besiana Ismaili, e cila kryeson ekipin mbrojtës të z. Lushtaku, në adresën: Ulpianë, rr. “Motrat Qiriazi” D-4, hyrja 1, nr. 2. Ngjarja do të zhvillohet të hënën, në ora 14:00.
Pjesëmarrja juaj është e mirëpritur për të pasqyruar saktësisht këtë hap të rëndësishëm ligjor.