Kryetarja e Forumit të Gruas në LDK, Jehona Lushaku-Sadriu, e ka quajtur “dështim historik” sloganin e LVV-së “Krejt dhe Drejt”.
Përmes një reagimi në Facebook, Lushaku-Sadriu ka thënë se LVV me këtë slogan ka montuar propagandë falso dhe nuk ka dhënë mend e as vizion në zgjidhjen e probleme të qytetarëve.
“VV dëshmoi se: s’ka idenë e qeverisjes në asnjë politikë; e futi vendin në sanksione ndërkombëtare; i varfëroi qytetarët; i mbrojti dhe mirëmbajti të korruptuarit; vodhi miellin e vajin e rezervave të shtetit; i la fëmijët pa libra, por e ktheu Serbinë në fjalorin e saj, prapa së cilës fshihet për të mbuluar krejt dështimet” shkroi mes të tjerash Lushaku-Sadriu.
Ky është reagimi i saj i plotë:
Krejt e drejt’- dështim historik
Për kaq pak vjet qeverisje, u dëshmua se VV-së, as ajo ‘krejt e drejt’, e as propaganda e montuar fake, nuk i ka dhënë mend e vizion për me i zgjidhë probleme e qytetarëve.
VV dëshmoi se: s’ka idenë e qeverisjes në asnjë politikë; e futi vendin në sanksione ndërkombëtare; i varfëroi qytetarët; i mbrojti dhe mirëmbajti të korruptuarit; vodhi miellin e vajin e rezervave të shtetit; i la fëmijët pa libra, POR e ktheu Serbinë në fjalorin e saj, prapa së cilës fshihet për të mbuluar krejt dështimet.
VV do të mbahet në mend për mashtrimin që ua ka bërë qytetarëve; për korrupsionin e qindra milionëve; për humbjen e miqve dhe sovranitetin e paushtruar!
Kosova do të mbijetojë! Shteti nuk i nënshtrohet një partie, me mendësi totalitare!