Kryetari i Lidhjes Demokratike të Kosovës, Lumir Abdixhiku, propozoi që udhëheqja e tij të vihet në votëbesim nga Këshilli i Përgjithshëm i partisë. Këtë e bëri të ditur anëtarja e LDK-së, Jehona Lushaku, gjatë një paraqitje në emisionin “Pressing” në T7.
Sipas saj, Abdixhiku ka marrë përgjegjësinë për rezultatin e partisë në zgjedhje dhe ka propozuar që votëbesimi të zhvillohet jo vetëm në Këshillin e Përgjithshëm, por edhe në Kuvendin e LDK-së.
“Ne kemi garu për me qenë partia e parë edhe kemi mendu që i kemi plotësu krejt për me qenë partia e parë. Tash pjesën e përgjegjësisë e ka marrë kryetari, bile ju ka bë ftesë që të shkojmë në votëbesim në Këshillin e Përgjithshëm dhe në Kuvend. Në Kryesi, kryetari Abdixhiku ishte për votëbesim në organet e partisë”, tha Lushaku.
