Luiz Ejlli është bërë fenomen me pjesëmarrjen e tij në Big Brother VIP Albania.
Këngëtari shkodran është bërë i dashur për të gjithë falë lojës që po e bën në shtëpinë më të famshme në Shqipëri.
E fansat e tij të flaktë po shpalosin pankarta në evenimente të ndryshme, përfshirë këtu edhe në stadiumet e futbollit anekënd botës.
Një tifoz nga Gjakova, i quajtur Valon Nura, i cili jeton dhe punon në Çeki, e ka shfaqur mbrëmë një pankartë mbështetëse për Luizin në Varshavë, në ndeshjen mes Polonisë dhe Shqipërisë.
“Fansi i flaktë i Luizit”, ka shkruar Nura derisa shihet në shkallët e stadiumit.
Nura është tifoz i flaktë i Kombëtares shqiptare, por edhe i Leo Messit.
Shqipëria u mposht mbrëmë nga Polonia, por bëri paraqitje mjaft të mirë./PrishtinaPress/
