Derisa po vazhdon punimet Asambleja e Përgjithshme e INTERPOL-it, një delegacion i Ministrisë së Punëve të Jashtme është nisur për në Dubai, ku do të vazhdojë lobimin për përkrahje të anëtarësimit të Kosovës në këtë institucion.
Votimi për Kosovën do të ndodhë nesër. Ndërkohë, ministri i Punëve të Jashtme të Kosovës, Behgjet Pacolli, ka konfirmuar se në agjendën e samitit të INTERPOL-it u konfirmua si pikë e rendit të ditës votimi i Kosovës për anëtarësimin në këtë organizatë.
Asambleja e Përgjithshme e INTERPOL-it është eventi më i madh botëror në lidhje me bashkëpunimin policor Ndërkombëtar, në këtë asamble e cila është e 87-ta dhe mbahet në Dubai të Emirateve të Bashkuara Arabe, marrin pjesë 173 shtete, të cilët përfaqësohen nga 85 Drejtorë të Përgjithshëm të Policisë dhe 40 Ministra.
