Llapi i ka shkaktuar disfatë të thellë Dritës në kuadër të javës së 14-të në elitën e futbollit kosovar.
Skuadra e udhëhequr nga Tahir Batatina ka fituar 4:1 ndaj nënkampiones në stadiumin “Zahir Pajaziti” në Podujevë.
Fazliu, Neto, Shabani e Rivera ishin realizatorët e golave për vendasit.
Për Dritën golin e “nderit” e konkretizoi Marko Simonovski. Të gjitha golat u regjistruan në pjesën e parë të ballafaqimit.
Drita mbetet lidere me 0 pikë, katër më shumë se Ballkani që ka tri sfida më pak të luajtura. Llapi renditet i gjashti me 16 pikë.
Përkundër pesë golave në Podujevë, në takimin ndërmjet Gjilanit dhe Dukagjinit pati vetëm një gol që vendosi epilogun e ballafaqimit.
Gjilani triumfoi 1:0 ndaj Dukagjinit me golin e Arbnor Ramadanit në stadiumin me bari sintetik në Gjilan.
Me këto tri pikë, Gjilani ngritet në kuotën e 22 pikëve në vendin e tretë. Dukagjini është i teti me 12 pikë gjithsej./Prishtinapress/
