Llapi e ka kompletuar gjysmëfinalen e Kupës së Kosovës në futboll. Llapjanët e eliminuan Malishevën nga çerekfinalja pasi e mposhtën pas ekzekutimit të penalltive, duke iu bashkuar Prishtinës, Gjilanit dhe Vushtrrisë në mesin e katër më të mirëve të kësaj gare.
Loja e rregullt u mbyll baras, 2:2 dhe me këtë rast skuadrat shkuan në vazhdime.
Golat për llapjanët në lojën e rregullt i shënuan Trimror Selimi e Kushtrim Shabani, kurse për mysafirët shënuan Ilir Mustafa dhe Ronald Sobowale.
Ndërkaq, në vazhdime. nuk pati gola dhe ndeshje u desh të përcaktohej në penallti.
Aty, Llapi triumfoi 6:5 për ta prekur gjysmëfinalen.
