Alban Shillova ka fituar garën me Llapin për borxhin që kishte klubi llapjan ndaj tij.
Ka qenë komisioni për ankesa i shkallës së dytë pranë FFK-së që i ka dhënë të drejtë sulmuesit.
Kësisoj Llapi duhet t’i paguajë bonusin për fitimin e Kupës së Kosovës dhe daljen në Evropë në vlerë prej pesë mijë euro për Alban Shillovën.
Arsyetimi:
Komisioni për Ankesa – shkalla e dytë, pas shyrtimit të ankesës dhe provave të shqyrtuara mori këtë vendim bazuar në nenin 119 pika A të Rregullores Disiplinore.
Në bazë të administrimit të provave, shkresave të lëndës për mospërmbushjen e obligimeve (kontrata pagesa nga KF “Llapi“ për futbollistin Alban Shillova), ka konstatuar se vendimi i Komisionit për Regjistrimin dhe Statusin e Lojtarëve është plotësisht i drejtë dhe në përputhje me aktet normative të FFK-së .
Më këtë rast Komisioni për Regjistrimin e Statusit dhe Transferin e lojtarëve ka vërtetuar se KF “ Llapi“ nuk ka përmbushur obligimin financiar në bazë të kontratës për lojtarin Alban Shillova : Bonusi për fitimin e Kupës së Kosovës dhe dalja në Europë në vlerë prej 5000 euro. Komisioni për Ankesa –shkalla e dytë vërteton vendimin e shkallës së parë të Komisionit për Regjistrimin e Statusit dhe Transferin e Lojtarëve, Nr. Ref. 517/ 2, datë: 23.03.2022 , ku konstatoj që lojtarit Alban Shillova duhet të përmbushet kontrata në tërësi , neni 3 i kontratës pika ku thuhet që : Bonusi për fitimin e Kupës së Kosovës dhe dalja në Europë në vlerë prej 5000 Euro.
