Liverpooli e ka refuzuar një ofertë nga Real Madridi për ta blerë përfundimisht mbrojtësin Trent Alexander-Arnold në janar.
Skuadra spanjolle kontaktoi drejtuesit e Liverpoolit, sidoqoftë interesimi i tyre u hodh menjëherë poshtë të martën.
Bisedimet nuk arritën në fazën ku vlerat duhet të përmenden, me Liverpoolin që nuk ishte gati të dëgjonte atë që Reali mund ta afronte.
Alexander-Arnold është pa kontratë në fundin e sezonit dhe që nga 1 janari është i lirë për të diskutuar me klube jashtë Anglisë. Liverpooli është në dijeni se anglezi mund t’iu ikë falas, por është gati të rrezikojë.
Reali tani pritet t’i nis zyrtarisht negociatat me mbrojtësin e djathtë, me shpresën që ta bind lojtarin t’iu bashkohet në verë si agjent i lirë.
Liverpooli e sheh Alexander-Arnold si jashtëzakonisht i nevojshëm për skuadrën e Arne Slot, që synon ta fitojë Premierligën këtë sezon, duke qenë lider aktualisht në tabelë, tetë pikë para Nottingham Forestit.
Përndryshe, të dielën e ardhshme Liverpooli ka punë me rivalin e përbetuar Manchester United.
