Pas reagimit të Ambasadorit të Gjermanisë në Kosovë, Jorn Rohde, ndaj bojkotit të Listës Serbe në referendumin për çvotimin e kryetarëve shqiptarë në veri, këta të fundit kanë hedhur vrer ndaj Rohde’s duke e quajtur “të verbër” dhe “në dashuri me (sic) regjimin autoritar anti-serb të Albin Kurtit”.
“Lista Serbe dhe populli serb janë të zhgënjyer me qëndrimin e përfaqësuesve ndërkombëtarë, veçanërisht me qëndrimin e ambasadorit gjerman Jorn Rode, të cilët janë verbuar nga dashuria për regjimin autoritar antiserb të Albin Kurtit, nuk i shohin të gjitha lëvizjet e njëanshme. të Prishtinës që shkelin sistematikisht të drejtat e popullit serb në Kosovë me qëllim të spastrimit përfundimtar etnik të serbëve nga vatra e tyre shekullore”, ka shkruar Lista Serbe në Facebook.
