Lirohet nga burgu Vesel Veseli, polici i akuzuar për përdhunimin e të miturës

Lajmin e ka konfirmuar për Gazetën Express, kryeprokurori i Prokurorisë Themelore të Prishtinës, Imer Beka.

Beka ka thënë se prokurori i rastit ka bërë kërkesën për ndryshimin e masës, në arrest shtëpiak.

“Ky vendim është marrë duke u bazuar në provat që janë ofruar. Pra, atyre i është ndryshuar masa e burgimit”, ka thënë ai.

Rasti i abuzimit të së miturës, 16-vjeçare, kishte ngjallur reagime të mëdha në shoqëri, dhe një numër protestash në vend.

Vesel Veseli, polic hetues, ishte arrestuar para tre muajsh pasi dyshohej se kishte shfrytëzuar pozitën e tij duke abuzuar me vajzën deri kur ajo kishte mbetur shtatzënë, e më pas e kishte detyruar të abortonte.

PostAdss