Lindja e Mesme është në “buzë të një humnerë” si rezultat i luftës midis Izraelit dhe Hamasit. Kështu ka thënë shefi i agjencisë së OKB-së, Philippe Lazzarini për BBC.
“Bota tani po humbet njerëzimin e saj”, tha komisioneri i përgjithshëm i Agjencisë së OKB-së për Ndihmën dhe Punët për Refugjatët Palestinë në Lindjen e Afërt.
Ai paralajmëroi se dhuna mund të përhapet në të gjithë rajonin. Lazzarini paralajmëroi mes të tjerash për situatën e rëndë për civilët brenda Gazës, duke bërë thirrje përsëri për korridoret e ndihmës humanitare në territor.
Duke folur në Jerusalem, Lazzarini dënoi sulmin e Hamasit ndaj Izraelit, duke e quajtur atë një “masakër të tmerrshme dhe barbare” që kishte krijuar një “traumë kombëtare, një traumë kolektive në Izrael”.
Por kjo ngjarje ende nuk e justifikon që lufta po zhvillohet pa asnjë kufizim”, tha ai.
“Dhe nuk besoj se vrasja e më shumë civilëve është në interes të sigurisë dhe paqes së ardhshme këtu në rajon”.
