Meshkujt që vuajnë nga sindroma e “këmbëve jo të qeta” (Restless Legs Syndrome) janë më të prirë për çrregullim të funksionit erektil, sugjeron një studim i realizuar në Harvard.
“Këmbët jo të qeta”- është gjendje e cila përfshin të gjitha grupet e moshave, por më së shpeshti paraqitet te moshat e vjetra, dhe në këto raste shpeshtësia e kësaj gjendjeje arrin deri në 20 për qind.
Kjo gjendje është ndjenjë e pakëndshme në këmbë që kushtëzon nevojën për lëvizshmërinë e domosdoshme të tyre.
Momenti më kritik i paraqitjes së nevojës për lëvizje të këmbëve është në veçanti gjatë natës, ashtu që pacientët nuk mund të flenë.
Rezultatet e reja të shkencëtarëve amerikanë bazohen në të dhënat e grumbulluara te 11.000 meshkuj me moshë mesatare deri 65 vjet.
Pjesëmarrësit në studim që vuanin nga sindroma e këmbëve jo të qeta kishin mesatarisht 50 për qind prirje për të pasur edhe disfunskion erektil, pavarësisht ekzistimit të faktorëve të rrezikut, siç është mosha, pesha e lartë trupore, duhanpirja, marrja e antidepresivëve apo prania e sëmundjeve tjera kronike.
Rreziku i problemeve me ereksion shtohej në përpjesëtim të drejtë me shpeshtësinë e manifestimit të kësaj sindrome.
