Këngëtarja e njohur e skenës shqiptare, Leonora Jakupi, sot (e mërkurë) ka prezantuar projektin e ri muzikor.
“Luj Luj” mban titullin kënga e re e saj, të cilën e ka promovuar në programet festive për Vitin e Ri.
Për producimin e këngës është përkujdesur produksioni i njohur “Unix Production”.
Leonora Jakupi (Foto: YouTube)
Artistja nga Drenica ndërkohë vjen me një paraqitje atraktive dhe mjaft elegante, ndërsa merr vëmendje me interpretimin e veçantë.
Projektin tashmë e gjeni të publikuar në YouTube, i cili besohet se do të mirëpritet edhe nga publiku.
Leonora ndërkohë është rikthyer pas një kohe të gjatë me këngë të re, e cila duket se ka qenë më pasive marrë parasysh edhe situatën me COVID-19.
Ajo duket se është fokusuar më shumë në jetën private, teksa pak ditë më parë në një intervistë theksoi se është e gatshme të bëhet nënë.
