Idriz Zeqiraj pritet të jetë i ambasadori i ri i Kosovës në Shqipëri. Sipas një postimi në ‘Facebook’, të njerëzve të afërt të Zeqirajt, shihen urimet për emërimin e tij në detyrën e ambasadorit të Kosovës në Shqipëri nga Ministrja e Punëve të Jashtme të Kosovës, Donika Gërvalla.
Analisti Blerim Latifi e quan fundërrinë Idriz Zeqiraj, pasi që sipas tij, Zeqiraj ka kërkuar që aeroportit të Prishtinës t’i hiqet emri i Adem Jasharit.
Tutje, ai shtoi duke i thënë qeverise se ku i gjeni këto fundrrina dhe i emëroni nëpër poste shtetërore.
Njoftimi i plotë:
Idriz Zeqiraj, i propozuari për ambasador të Kosovës, jo më larg se në vitin 2017, paska bërë një shkrim ofendues për Adem Jasharin. Tipi paska kërku që aeroportit të Prishtinës t’i hiqet emri i Adem Jasharit dhe hapur qenka shprehur se “Adem Jashari ka mbingarkesë reale me shtatore, buste, sheshe, rrugë, objekte gjithëfarëshe, madje, edhe të atyre kulturore, që përbën paradoks”. Por jo vetëm kaq. Për të Adem Jashari është një luftëtar i thjeshtë lokal dhe vlerësimi që i bëhet figurës së tij i tepërt. Kam një pyetje për qeverinë e Kosovës: Ku i gjeni këto fundrrina dhe i emëroni nëpër poste shtetërore?
