Largimi i barrikadës mbi Ibër, punë pazari

Pazar mbi pazarin e bërë. Kështu e ka quajtur analisti nga Mitrovica, Nexhmedin Spahiu, nisjen e zbatimit të marrëveshjes për rivitalizimin e urës mbi lumin Ibër, e rinegociuar disa herë, shkruan Koha Ditore.
Sipas tij, rruga do të vazhdojë të jetë e bllokuar dhe serbët do të vazhdojnë t’i rezistojnë marrëveshjes, edhe përmes inskenimeve të ndryshme. Të tillë e ka vlerësuar hedhjen e një mjeti shpërthyes pranë urës së Ibrit, vetëm dy ditë pasi nisën punimet mbi urë.
“Kjo është metodë e negociatave të Beogradit. Me këtë marrëveshje kanë arritur qëllimin, pasi duan të bëhen kinse nuk janë të kënaqur, në mënyrë që Prishtina të mos i bjerë pishman”, ka thënë Spahiu. Sipas tij, me marrëveshjen e fundit Serbia ka përmbushur dy qëllime.