Është zhvilluar xhiro e radhës në elitën e basketbollit amerikan NBA, ku janë zhvilluar 11 duele shumë interesante.
Vëmendja kryesore ka qenë në San Francisco, ku Golden State Warriors ka pritur Los Angeles Lakers, derisa fitorja i ka takuar skuadrës mysafire me 10 pikë diferencë 108:118.
Për Lakers kjo ishte fitorja e tretë radhazi dhe e 25-ta këtë edicion në NBA.
Më meritori për fitoren e Lakers ka qenë qendra Anthony Davis që ka shkëlqyer me 36 pikë, 13 kërcime dhe tre asistime.
Me lojë të mirë u dallua edhe LeBron James që shtoi 25 pikë të tjera dhe 12 asistime.
Te skuadra vendase më efikasi ishte Andrew Wiggins me 20 pikë, por që nuk mjaftuan për fitore.
