Skuadrat nga Los Angeles, LA Lakers dhe LA Clippers e kanë nisur për mrekulli ‘Plya-Off’-in në elitën e basketbollit amerikan NBA, duke triumfuar në ndeshjet e para në udhëtim.
Lakers kanë marrë një fitore spektakolare në udhëtim te Memphis Grizzlies me 16 pikë diferencë 112:128.
Ka qenë një ndeshje e barabartë deri në dy minutat e fundit kur Lakers finalizuan disa aksione dhe ngritën epërsinë.
Ylli japonez, Rui Hachimura është futur nga banka rezervë për të shkëlqyer në këtë ndeshje me 29 pikë, gjashtë kërcime e një asistim.
Austin Reaves shkëlqeu me 23 pikë, derisa Anthony Davis ishte i jashtëzakonshëm me 22 pikë, 12 kërcime, tre asistime dhe shtatë bllokada.
LeBron James shtoi 21 pikë, 11 kërcime, pesë asistime e tre bllokada, derisa D’Angello Russell e mbylli ndeshjen me 19 pikë e shtatë asistime.
Te vendasit më i miri ishte Jarrent Jackson me 31 pikë, por që nuk mjaftuan për fitore.
Fitore shumë të rëndësishme ka marrë edhe Los Angeles Clippers në fushën e Phoenix Suns me pesë pikë diferencë 110:115.
Më meritori për fitoren e Clippers ishte Kawhi Leonard me 38 pikë, pesë kërcime e pesë asistime.