Është arrestuar 50-vjeçari, Aziz Gashi, i dyshuari për vrasjen e 48-vjeçarit në lagjen “Arbana” në Prizren.
Policia e Kosovës e ka konfirmuar për Gazetën Demos, se ai është tashmë nëm prangat e Policisë.
Ngjarja e rëndë tronditi të dielën Prizrenin, ku në orët e pasdites, për motive akoma të panjohura, 48-vjeçari Beqir Morina u vra nga i dyshuari Aziz Gashi.
Krimi ndodhi në lagjen “Arbana” dhe dyshohet se 50-vjeçari përdori një pushkë automatike për ta kryer vrasjen dhe më pas u zhduk nga vendi i ngjarjes.
Policia e kishte shpallur Gashin në kërkim që nga dje, ndërsa bastisje janë kryer në disa lokacione.