Një aksident trafiku me pasoja fatale ka ndodhur sot në rrugën Gjilan-Ferizaj. Rastin për Indeksonline e ka konfirmuar zëdhënësi i policisë në Gjilan, Ismet Hashani.
Ai ka thënë se në aksident kanë qenë të përfshira dy vetura, njëra Golf dhe tjetra Mercedes.
“Si pasojë e goditjes, vozitësi i veturës Golf, shqiptar, shtetas i Kosovës, pëson lëndime të rënda dhe me urgjencë është dërguar me ambulancën e fshatit Pozhoran, ku mjeku kujdestar vetëm se ka konstatuar vdekjen e viktimës”, ka deklaruar Hashani.
Sipas tij, edhe dy persona tjerë, të lënduar në këtë aksident, janë dërguar në Spitalin Rajonal të Gjilanit ku sipas mjekut kujdestar gjendja e tyre shëndetësore është jashtë rrezikut për jetën.
Prokurori i shtetit ka urdhëruar që trupi i pa jetë të dërgohet për obduksion në institutin mjeko-ligjor në Prishtinë. Njësiti për hetimin e aksidenteve është duke u marrë ende me rastin.
