Ndërmjetësi i BE-së për dialogun, Miroslav Lajçak, ka shprehur ankesa se nuk pati asnjë iniciativë, nga palët kosovare dhe ajo serbe, për zbatimin e marrëveshjes së Ohrit.
”…ne si ndërmjetës e kemi pasur të qartë se zbatimi duhet të jetë transparent dhe i bazuar në faktin se diçka duhet të jepet, për të marrë diçka”, ka thënë ai.
”dhe duhet të them se asnjë nga liderët nuk e përshëndeti këtë kur u kthyen nga Ohri, askush nuk tha se kemi diçka të mirë për ne”, ka shtuar ai për sbunker.
Sipas tij nëse dikush mendon se kjo mund të përfundojë me një fitore të plotë të njërës palë dhe se pala tjetër nuk merr asgjë, nuk do të çojë askund.