Përfaqësuesi Special i Bashkimit Evropian në dialogun Kosovë-Serbi Miroslav Lajçak, ka takuar sot zëvendëskryeministrin e Kosovës Besnik Bislimin dhe drejtorin e ashtuquajturës zyre e Kosovës në Serbi Petar Petkoviq.
Me këto takime Lajçak bëri të ditur se po i zhvillon përgatitjet për takimet e ardhshme Kosovë-Serbi.
“Sot, kam pasur diskutime thelbësore të veçanta me Zëvendëskryeministrin e Parë të Kosovës, Besnik Bislimi, dhe me Drejtorin e zyrës serbe për Kosovën, Petar Petkoviq, në lidhje me përgatitjet për takimin e ardhshëm të Dialogut në nivel Kryenegociatorësh në fillim të shtatorit”.
Një takim mes kryeministrit të Kosovës Albin Kurti dhe presidentit të Serbisë Aleksandar Vuçiq, ishte zhvilluar në muajin korrik.
Takimi i radhës pritet të mbahet në muajin shtator.
