I dërguari i BE-së për dialogun, Miroslav Lajçak, ka folur pas takimit që ka pasur me kryeministrin e Kosovës, Albin Kurti, e në të cilin ishin edhe dy këshilltarë, njëri i presidenti francez, Emanuel Macron dhe tjetri i kancelarit gjerman, Olaf Scholz.
Në një deklarim para mediave, Lajçak tha se në takim u diskutua për formën se si në dialog të sillet një dinamikë e re, shkruan lajmi.net.
“Sapo përfunduam një takim më shumë se dy orësh me zotëri Kurtin me të cilin diskutuam për dialog dhe si të sjellim dinamikë në proces dhe si ta dërgojmë procesin përpara”.
“Ka qenë një diskutim i rëndësishëm dhe nuk mund të japim detaje tjera sepse do të kemi diskutim të njëjtë sot me zotëri Vuçiq. Kjo ka qenë pjesa e parë e misionit tonë”.
Pas takimit me Kurtin, të tre diplomatët do të udhëtojnë për në Serbi ku do të takohen me presidentin, Aleksander Vuçiq.