Emisari i Bashkimit Evropian për dialogun, Miroslav Lajçak, ka folur për vizitën e tij që e pati sot në Serbi.
“Me presidentin Aleksandar Vuçiq dhe Petar Petkoviqin diskutova rrugën përpara në dialog dhe hapat e mëtejshëm të nevojshëm për zbatimin e Marrëveshjes për Rrugën drejt normalizimit”, ka thënë Lajçak në platformën X.
Kjo vizitë e Lajçak në Beograd vjen pas asaj të ditëve më parë në Prishtinë. Të dyja i paraprijnë takimit të së enjten në mes të dy kryenegociatorëve, Besnik Bislimi dhe Petar Petkoviq.
