Përfaqësuesi special i BE-së për dialogun Kosovë – Serbi, Miroslav Lajçak, ka komentuar idenë e “Ballkanit të Hapur”, për të cilën tha se gjithçka që vjen nga rajoni është e mirë.
Ai foli edhe për çështjen e pranimit të Bosnjë dhe Hercegovinës në BE, ku shtoi se nuk është realiste të ulen kriteret për këtë.
“Unë shoh një zgjidhje në faktin se Bosnja dhe vendet e tjera që aspirojnë anëtarësimin janë gjithnjë e më shumë të pranishme në BE, megjithëse nuk do të merrnin pjesë në vendimmarrje. Ata janë të pranishëm në diskutime dhe se të gjithë janë mësuar me praninë e tyre, dhe se tregu i përbashkët i BE-së është i hapur”, tha Lajçak dhe konstatoi se kjo de facto do t’i futë të gjitha vendet kandidate në hapësirën evropiane.
Kujtojmë se nga gjashtë vendet e Ballkanit Perëndimor, Kosova vazhdon të jetë kategorikisht kundër nismës së “Ballkanit të Hapur”./PrishtinaPress/
