Nga një muaj paraburgim iu është caktuar dy të dyshuarve për laboratorin e drogës që u shkatërrua nga policia gjatë ditës së djeshme në Prishtinë, konkretisht në rrugën “Hyzri Talla”.
Kështu bëjnë të ditur, burimet e Klankosova.tv
Lidhur me rastin pati informuar edhe ministri i Brendshëm ,Xhelal Sveçla.
Ndryshe, aksioni për këtë rast, sipas Policisë, erdhi pas një hetimi 10 mujor, ku u aplikuan edhe masa të veçanta hetimore.
Gjatë bastisjeve është gjetur një sasi droge e llojeve heroinë dhe kokainë dhe mjete pune për përpunimin e substancave narkotike, si dhe një sasi droge në gjendje të ngurtë prej rreth shtatë kilogramë.
“Dyshohet që ky ‘laborator’ për përpunimin e substancave narkotike të llojit heroinë dhe kokainë është përdorur nga të dyshuarit për një periudhë kohore, ku pas përpunimit të substancave, të njëjtat i paketojnë në doza të vogla për shitje në rajone të ndryshme të vendit”, kishin njoftuar organet e rendit transmeton Klankosova.tv
