Sulmuesi francez, Kylian Mbappe është bërë golashënuesi më i mirë në histori të Paris Saint-Germain me golin e fundit të shënuar ndaj Nantes mbrëmjen e së shtunës.
Paris Saint-Germain ka fituar me rezultat 4-2 në shtëpi ndaj Nantes në takimin e javës së 26-të në Ligue 1.
Golat për ekipin e Christophe Galtier u shënuan nga Lionel Messi (12’), Jaouen Hadjam (17’), Danilo Pereira (60’) dhe Mbappe (90+).
Megjithatë, goli me rëndësinë më të madhe padyshim se ishte i fundit i shënuar nga Mbappe, i cili theu një rekord të madh pas 247 ndeshjeve të zhvilluara.
Ky ishte goli i 201 i Mbappes me fanellën e Paris Saint-Germain, duke u bërë golashënuesi më i madh në histori të klubit nga Parc des Princes.
