Në pesë ditët e ardhshme, në vendin tonë pritet të mbajë mot kryesisht i kthjellët.
Institutit Hidrometeorologjik i Kosovës ka njoftuar se të hënën parashihet mot me diell dhe relativisht i ngrohtë.
Temperaturat minimale do të lëvizin ndërmjet 1-3 gradë celsius, ndërsa maksimalet e ditës parashihen të lëvizin ndërmjet 19-21 gradë celsius.
“Të martën parashihet të mbajë mot kryesisht i ngjashëm, por që minimalet do të jenë më të ulëta. Minimalet nga 0-2 gradë celsius, ndërsa maksimalet e ditës do të arrijnë vlerat e ditës së hënë”, thuhet në njoftimin e këtij instituti.
Të mërkurën, kryesisht do të mbajë mot i vranët dhe me intervale të shkurta me diell. Vranësirat vende-vende kanë mundësi që të sjellin riga të dobëta shiu.
“Minimalet do të lëvizin ndërmjet 0-2 gradë celsius, ndërsa maksimalet e ditës parashihet të lëvizin ndërmjet 17-19 gradë celsius”, thuhet tutje.
Ndërsa të enjten, parashihet të mbajë mot i vranët dhe me pak rreze dielli.
“Temperaturat minimale do të lëvizin ndërmjet 4-6 gradë celsius, ndërsa maksimalet e ditës parashihen të lëvizin ndërmjet 14-16 gradë celsius”.
E të premten, moti do të jetë kryesisht me diell dhe temperatura kryesisht të ngjashme.
“Minimalet 0-2 gradë celsius, ndërsa maksimalet e ditës parashihen të lëvizin ndërmjet 15-17 gradë celsius”./Prishtinapress/