Gëzim Rizani nga Lipjani është viktima e aksidentit të rëndë që ka ndodhur mëngjesin e së hënës në aksin rrugor Fushë Krujë-Vlorë, përcjell Insajderi.
Në këtë aksident të rëndë komunikacioni ishin përfshirë tri vetura, ku fatkeqësisht mbeti i vdekur shoferi i njërës veturë.
Njoftimin për vdekjen e Gëzim Rizanit e ka bërë Këshilli i Bashkësisë Islame në Lipjan duke njoftuar se varrimi do të bëhet të martën në orën 13:00.
“E lusim Allahun ta ketë mëshiru Gëzim Sali Rizanin i cili ndërroi jetë nga një aksident në komunikacion, familjes Rizani Allahu ua lehtësoftë sprovën dhe ju dhashtë durim të vendosur. Varrimi bëhet më 16.01.2024 (e marte) në ora 13:00 në varrezat e fshatit Krojmirë”, thuhet në njoftim./Insajderi.org/
