Kuvendi me seancë të veçantë, Meta bën adresimin e fundit si president

Në Kuvendin e Republikës së Kosovës nesër do të ketë një seancë të veçantë.

Kjo pasi presidenti i Shqipërisë, Ilir Meta, do të bëjë adresimin e tij të fundit në krye të kësaj detyre, raporton Indeksonline.

Adresimi i presidentit Meta është madje e vetmja pikë e rendit të ditës së kësaj seance e cila fillon në ora 11:50.

Metës mandati i përfundon më 24 korrik, teksa në karrikën e tij do të ulet Bajram Begaj.