Kuvendi i Kosovës sot do të mbajë seancë plenare.
Seanca do të fillojë në ora 10:00 ku pritet të ratifikohen dy marrëveshje ndërkombëtare.
Në këtë seancë shqyrtohet edhe projektligji për Financimin e Subjekteve Politike dhe ai për Zgjedhje të Përgjithshme.
Po ashtu do të ketë edhe pika jashtë rendit të ditës.
Një seancë tjetër pritet të mbahet edhe nesër, seancë kjo që është vazhdim i disa të tjerave që kanë mbetur në gjysmë.
Në rend dite, nesër janë edhe debati parlamentar për mos-liberalizimin e vizave për kosovarët si dhe projekt-rezoluta për rritjen e çmimeve.
