Të shumtë janë personat që po lidhen me jetën romantike të Shakirës, por deri më tani këngëtarja kolumbiane as i konfirmon dhe as nuk i mohon thashethemet.
Nga aktori Tom Cruise, tek shoferi Lewis Hamilton apo lojtari i Miami Heat, Jimmy Butler, çdo lëvizje e këngëtares analizohet në detaje duke kërkuar të dhëna se cila mund të jetë lidhja e saj e radhës, pas ndarjes nga ish-futbollisti i Barcelonës, Gerard Pique.
Revista Vanitatis zbulon një fakt të ri për jetën e dashurisë së Shakirës. Sipas revistës një burim i afërt me këngëtaren ka deklaruar se interesat e Shakirës qëndrojnë diku tjetër… me një koleg muzikant!
Vizita e Shakirës në Spanjë, sipas mediave të sipërpërmendura, nuk ka të bëjë me shoqërimin e fëmijëve në Barcelonë apo me lidhjet e saj të dashurisë, por me zgjidhjen e problemeve të saj me sistemin e drejtësisë spanjolle.