Kryeministri i Kosovës, Albin Kurti ka njoftuar se ka vizituar Rezidencën e presidentit Ibrahim Rugova.
Në një shkrim në rrjetin social Facebook, Kurti ka njoftuar se kanë parë nga afër punimet e restaurimit.
“Sot ishim për të parë nga afër rezultatin e punës deri tash. Restaurimi po udhëhiqet nga ekipe profesionale në respekt të vlerave që ka kjo shtëpi, e cila është pjesë e listës së aseteve të trashëgimisë që mbrohen me ligj.
Kujdesin tonë ndaj trashëgimisë kulturore tanimë e kemi të dëshmuar. Në këtë kuadër, po sigurohemi që si institucione të shtetit të mirëmbajmë respektin për figurat qendrore të historisë moderne të Kosovës.” – ka shkruar ai krahas videos së publikuar.