Kryeministri i Republikës se Kosovës, Albin Kurti, ishte i ftuar në pritjen e organizuar nga Ambasada e Suedisë në Kosovë, në shënim të ditës së Shën Luçisë.
“Është inkurajuese kur diplomacia shtrihet përtej mureve të zyrave tona dhe na bashkon për të festuar traditat e dashura të miqve tanë në Kosovë”, tha Kurti në fjalën e tij.
Me rastin e kësaj feste, ai theksoi rëndësinë e reflektimit mbi rrëfimet që na kujtojnë fuqinë e qëndrueshme të dhembshurisë dhe forcën e shpirtit njerëzor. Tutje i pari i qeverisë shtoi se këto histori, si ajo e Shën Luçias, le të shërbejnë si frymëzim për të gjithë, për të ofruar kujdes dhe solidaritet për të tjerët pranë nesh.
Kryeministri i uroi të pranishmit, popullin suedez dhe të gjithë ata që e festojnë ditën e Shën Luçisë.
