Kryetari i VV’së, Albin Kurti, ka shpalosur disa detaje rreth takimit të tij me të Dërguarin Special të BE’së për Dialogun Kosovë-Serbi, Mirosllav Lajcak.
Kurti ka thënë se ka kërkuar një bashkëpunim të SHBA’së dhe BE’së për këtë dialog teksa ka thënë se dialogu duhet të jetë i përgatitur mirë dhe me principe. Ai ka shtuar se dialogu duhet të jetë “transatlantik”.
“Mbrëmë mirëprita Mirosllav Lajcakun, të Dërguarin Special të BE’së për Dialogun Kosovë-Serbi, në zyret e VV’së”, shkroi ai.
“Ai i përcolli urimet e tij më të mira qeverisë në ardhje dhe unë e informova atë për përparësitë tona kryesore që janë vendet e punës dhe drejtësia”, shtoi ai.
Sa i përket dialogut, Kurti bëri të ditur se ai është shumë i rëndësishëm.
“Ne të dy ranë dakord që dialogu është i rëndësishëm dhe duhet të jetë i përgatitur mirë dhe parimor. Duhet të jetë transformues dhe transparent, në mënyrë që qytetarët të jenë përfituesit, dhe duhet të jetë transatlantik – i koordinuar mirë ndërmjet SHBA’së dhe BE’së”
Ndryshe, lideri i VV’së ka bërë të ditur kohë më parë se dialogu nuk do të jetë prioritet i tij dhe se e konsideron si prioritetin e gjashtë, por që më vonë ndërroi qasje dhe e vendosi si prioritetin e katërt.
Last night I welcomed @MiroslavLajcak EUSR for Kosova-Serbia dialogue @LVetevendosje offices.
He conveyed his best wishes to the incoming government and I informed him about our top priorities of jobs and justice. pic.twitter.com/6Pc1JNVZrW— Albin Kurti (@albinkurti) March 2, 2021