Kryeministri i së Kosovës, Albin Kurti, ka takuar në Madrid ish–Sekretarin e Përgjithshëm të NATO-s, Javier Solana.
Kurti e Solana folën mbi gjendjen e Kosovës, të rajonit por edhe Evropës përballë luftës ruse në Ukrainë, gjatë një vizite në muzeun kombëtar Museo Nacioanl del Prado, ku Solana është Drejtor i Patronazhit të këtij muzeu.
“Kryeministri Kurti shprehu mirënjohjen për rolin e z.Solana gjatë dy momenteve përcaktuese për popullin tonë: çlirimin tonë në vitin 1999, si dhe shpalljen e pavarësisë në vitin 2008”, thuhet në njoftimin e kryeministrisë.
Tutje, në njoftim thuhet se përvoja e Solanës si ish-Sekretar i Përgjithshëm i NATO-s është e çmueshme dhe e paharrueshme për popullin e Kosovës.
Kujtojmë se Kurti është për vizitë zyrtare në Madrid ku do të marrë pjesë në Kongresin e Internacionales Socialiste, që mbahet në Madrid.