Kryeministri i Kosovës, Albin Kurti, priti këtë të shtunë në takim një delegacion nga Federata e Paqes Universale (UPF) që përbëhej nga Katsumi Otsuka, Kryetar i Federatës për Evropën Juglindore, Gani Rroshi, Sekretari i Përgjithshëm i UPF në Shqipëri dhe Ejona Icka, Sekretar e Përgjithshme e UPF në Kosovë.
Zyra e Kryeministrit bën të ditur se Kurti i falënderoi të pranishmit për vizitën, ndërkaq i njoftoi ata për “vërejtjen dhe reformat e deritanishme si dhe për indikatorët ekonomikë dhe demokratikë në vend”.
“Në këtë takim, u fol për synimet e fondacionit, bashkëpunimin me Republikën e Kosovës, dhe për vlerat e përbashkëta si të drejtat e njeriut, solidariteti, miqësia dhe paqja”, thuhet në njoftimin për media. /Telegrafi/
