Kryeministri Albin Kurti ka filluar një praktikë të njoftimit të opinionit për aktivitetet e tij me video nga vetura rrugës për në destinacionet e tij.
Ai këtë herë nga Prishtina u nis drejt Gjakovës për vënien e gurthemelit të dy institucioneve arsimore. Këtu Kurti foli për rëndësinë e arsimit në shoqërinë kosovare.
“Jemi rrugës për në Poroshec të Gjakovës, kur do të vëmë gurthemelin e shkollës së re fillore, e mandej në Rezinë të Gjakovës ku do të vendosim gurthemelin e çerdhes së re. E ardhmja e shtetit tonë, por edhe e ekonomisë dhe shoqërisë sonë varet nga arsimi. Mirupafshim!”, tha Kurti.
Paraditen e sotme, Kurti ishte nikoqir i emisarit të SHBA-së, Gabriel Escobar, me të cilin dolën në një konferencë për media, por megjithatë u kursyen në deklarata për detajet e takimit./Prishtinapress/
