Kryeministri Albin Kurti foli lidhur me procesin e emërimit të ambasadorëve të rinj.
Kurti tha se Ministria e Punëve të Jashme dhe Diasporës është në fazën e identifikimit të hershëm të kandidatëve për ambasadorë.
Ai tha se deri tani janë 43 kandidatë me grada të larta, me gradën ministër-këshilltar janë 16.
“Procedurën e përcaktojnë disa faza, pas verifikimit dhe plotësimit të kritereve, MPJD i kërkon qeverisë rekomandim për emërim dhe kërkesën për pëlqim”, deklaroi Kurti.
Ai përmendi procedurat e këtyre emërimeve, që përfshijnë seancën dëgjimore pastaj dorëzimi i dokumenteve tek presidentja, e cila me dekret merr vendimin.
“Vendimi bëhet me dekret të presidentes, ministrja e jashtme bën kërkesën duke ia bashkëngjitur dekretin e Presidentes”, tha kryeministri.
Ndër të tjera, ai tha se me plotësim-ndryshimin e ligjit synojnë kuotën 70/30, ndërsa tha se do të ketë të emëruar politik dhe të karrierës.
“Synimi ynë nuk është ndërrimi i njerëzve, por konsolidimi i sistemit”, deklaroi Kurti.
